قافلة شمال سيناء

من القوافل الجميله جدا فى تاريخ قوافل رساله
الناس هناك بسيطه جدا جدا جدا فى كل حاجه
ومحتاجين حاجات كتير رحنا عشان نحاول نقدملهم اللى ربنا يقدرنا عليه
وكانت النتيجه جميله جدا والحمد لله
ده فيديو بسيط عن القافله

هل تعلم 2

هل تعلم أن أول ما يرفع من أعمال هذه الأمة ؟ الصلوات الخمسة

هل تعلم أن أول صلاة صلاها رسول الله ؟ هي صلاة الظهر

هل تعلم أن أول صلاة فرضت على رسول الله ؟ صلاة الظهر

هل تعلم أن أول من أذن في السماء ؟ جبريل عليه السلام

هل تعلم أن أول من قدر الساعات الاثنى عشرة؟ نوح عليه السلام في السفينة ليعرف مواقيت الصلاة

هل تعلم أن أول من بنى مسجداً يصلي فيه ؟ عمار بن ياسر رضي الله عنه

هل تعلم أن أول من قال سبحان ربي الأعلى ؟ هو إسرافيل عليه السلام

هل تعلم أن أول ما نزل من القرآن الكريم ؟ (اقرأ باسم ربك الذي خلق)

هل تعلم أن أعظم آية في القرآن الكريم هى ؟ آية الكرسي

نشاط المساعدات

نشاط المساعدات
يعتبر من اقوى انشطة جمعية رساله - ان لم يكن هو الاقوى - فهو ينقسم الى اكثر من نشاط وهم
1- الاستكشافات
هو ده النشاط اللى من خلاله بيروح المتطوعيين للحالات يستكشفوهم بمعنى يعملولهم بحث بحيث يشوفوا حالاتهم ايه ومحتاجين ايه وايه اللى ممكن جمعية رساله تساعدهم بيه باختصار متطوعيين الاستكشاف بيكونوا هما عيون رساله اللى بتشوف عن طريقهم الحالات
2 - المشاريع او مشروع قد الحياه
وده نشاط بيحاول انه يساعد الحالات بانه يقدملهم مبلغ من المال يبدأوا بيه مشرع على ان يتم سداد المبلغ بنظام القرض الحسنه
بتم متابعة مشاريع الحالات وازالة اى عواقب ممكن تقابل الحالات وبيدخل مع النشاط ده كمان التوظيف يعنى بيحاولوا يوفروا وظائف للحالات اللى عندها استعداد انها تشتغل
3 - تجهيز العرايس
من خلال النشاط ده بيتم مساعده العرايس - بشرط ان تكون كاتبه كتابها - بكل ماتحتاجه من اجهزه وفرش وعفش
4 - الصيانه والترميم
وده النشاط المسئول عن ترميم وصيانة الاسقف والحمامات واى حاجه فى المبانى الخاصه بالحالات محتاجه صيانه
5 - التوزيع
وده عن طريقه بنوصل كل حاجه للحالات من اول الشنط الغذائيه لغاية المساعدات العينيه والمراتب والبطاطين وكل حاجه بتروح للحالات
6- الصيديله والنشاط الطبى
من اهم انجازات جمعية رساله هو الصيديله اللى عن طريقها بتوفر تمن علاج على ناس كتير وبمبالغ كبيره بالاضافه للنشاط الطبى اللى بيقدر يوفر الكشوات للحالات والعلاج واذا كان فى اشعه او تحاليل وكمان الاجهزه التعويضيه بالاضافه للعماليات
دى نبذه صغيره عن نشاط المساعدات
ربنا يجازي كل المتطوعيين فى كل الانشطه خير اللهم آمين

نشاط الصم والبكم

نشاط الصم:

النشاط دا بجد من أصعب الأنشطة الموجودة في رسالة لأنك طبعا بتتعامل مع شخص مصاب بابتلاء عظيم وهو أنه بيفقد القدرة على السمع أو الكلام, عشان كدا بجد النشاط دا من أهم وأصعب أنشطة رسالة, وباختصار نقدر نقول أنه متقسم لثلاث أنشطة رئيسية:

نشاط ثقافي ويشمل .

ديني:وفيه بيتم تثقيفهم دينيا بكل الاساسيات يعني مثلا أزاي يتوضوا و يصلوا ويتصدقوا ويقرأوا اقرأن بالاضافة لحاجة مهمة جدا وهي دروس في القرأن وسيرة الرسول عليه الصلاة والسلام.

أبجدي:ويتم تعليمهم الحروف والكلمات والجمل حسب مستواهم مش حسب سنهم

كمبيوتر:وفيه بيتم تعليمهم من أي شخص بيعرف كميوتر المبادىء الاساسية وفيه ناس منهم اتعلمو والهدف ان اللي اتعلم منهم يعلم اللي متعلمش عشان يحسوا انهم هما كمان بيدوا زي ما بيخدوا ودي حاجة بتخليهم مبسوطين أوي

نشاط اجتماعي ويشمل:

رحلات:كل فترة بيتعمل رحلة عشان يستمتعوا مع بعض ويتعرفوا على أماكن مختلفة في مصر

اعياد ميلاد:كل حالة صم في رسالة يكون متواجد بشكل دائم ومشترك في الأنشطة المختلفة بيتم الاحتفال بعيد ميلاده

تعليم لغة الاشارة:وهو من أهم الانشطة لأن الهدف تعليم لغة الاشارة لكل مصري عشان نقدر نتواصل ونفهم بعض ونحس ببعض فلازم كلنا نهتم بالموضوع دا لان المسام للمسلم كالبنيان المرصوص

بالاضافة أن احنا ممكن نعتبر دا زكاة على نعمة السمع والكلام اللي ربنا ادهالنا و كفاية ان أحنا نفتكر ان الكفيف لو تاه نقدر نساعده لكن الاصم اللي مش متعلم لو تاه هيعمل ايه!

نشاط مادي

وفيه بنحاول مساعدتهم ماديا عن طريق توفير العلاج للمحتاجين أو توفير السماعات لضعاف السمع,او توفير ؛أحتياجات المدرسة للطلبة وكل دا طبعا من تبرعات أهل الخير

وفي النهاية عايزين نقول ان هو دا هدف رسالة الحقيقي لازم تدي زي ما بتاخد ومش عايزين ننسى ربنا ادانا كتير يا ترى احنا أدمنا لربنا ايه وعلى الاقل نعتبر ان العمل دا اقل شكر لربنا سبحانه وتعالى على نعمه الكتير اوي علينا يعني مثلا مساعدة الكفيف شكر على نعمة البصر,ومساعدة الصم شكر على السمع والكلام,والاطفال الايتام شكر على نعمة الاب و الام

وعلى الاقل لو أي حد مش قادر يساهم بمجهود بدني أو مادي ممكن يشارك بنشر الفكرة بين الناس ومش عايزين ننسى(الدال على الخير كفاعله

نشاط القوافل

من امتع الانشطه الموجوده فى رساله
الهدف منه اننا نساعد الناس فى الاماكن البعيده عن رساله وبيكون عدد المتطوعيين كتير بحيث يساعدوا اكبر عدد ممكن من المحتاجين
النشاط لما بدأ بدأ بتوزيع شنط غذائيه فقط يعنى المتطوعيين بيروحوا بحوالى 200 او 300 شنطه يوزعوهم وبدات الافكار تتوالى الى ان وصلت القوافل لتوزيع شنط ومراتب وتجهيز عرايس وتوزيع مساعدات عينيه وعمل مشاريع للاهلى والاجمد هو توصيل المياه للبيوت اللى مافيهاش ميه وبناء الاسقف والحمامات كل ده بسواعد شباب ولاد وبنات مافيش هدف عندهم غير ارضاء ربنا - سبحانه وتعالى -
القوافل كمان وصلت للمحافاظات
يعنى بيكون فى فروع بتعمل قوافل للمحافاظات البعيده المتطوعيين بيسافروا وبيباتوا فى المحافظه كام يوم وبيرجعوا تانى بعد مايكونوا ساعدوا ناس كتير جدا وفى قوافل راحت الاقصر واسوان وشمال سيناء
عرفتوا ليه بقى نشاط القوافل من امتع انشطة رساله

مقالة الاستاذ ابراهيم حجازى عن رساله

مقالة الاستاذ ابراهيم حجازى فى الاهرام عن رساله
المقاله بعنوان : فى مصر شباب عظيم ومشروع اعظم اسمه رساله

يوم الكساء

يوم الكساء
يعتبر من اهم احداث جمعية رساله
الهدف منه هو ان الاسر الفقيره تاخد لبس العيد بدون اى مقابل مادى
يوم الكساء بيكون يوم 29 رمضان ورمضان اللى فات كان تالت رمضان نعمل فيه يوم الكساء لتالت سنه على التوالى
حلمنا السنه دى كان كساء نص مليون محتاج
بنبدأ نجهز ليوم الكساء من اول رمضان المتطوعيين بيفرزوا اللبس كويس جدا جدا جدا وبعد كده اللبس بيتكوى ويتغسل لان الناس لازم تاخد اللبس وماتحسش باى فرق بينه وبين اللبس الجديد
المتطوعيين بيكون عددهم كبير جدا وبيبدأوا الشغل من الصبح بدرى لغاية نص الليل
اما يوم الكساء نفسه
بيتم تقسيم المكان الى برتيشنات كل برتيشن فى عدد كبير جدا من الترابيزات بيتقسم عليهم اللبس لبس رجالى واطفالى وحريمى
المتطوعيين فى يوم الكساء
بيتقسم المتطوعيين لمتطوعيين مسئوليتهم الترابيزات عشان يحطوا اللبس على الترابيزات ويرصوا اللبس كويس ويساعدوا الناس فى اختيار اللبس
ومتطوعيين بيستقبلوا الحالات من البوابه وبيكونوا معاهم يساعدوهم فى اختيار اللبس ويشيلوا للاسر اللبس لغاية مايوصلوهم لباب الخروج
ومتطوعيين بيتقسموا مجوعات كل مجموعه مسئوله عن برتيشن بيتابعوا اللبس والاسر والتبليغ عن اللبس اللى بينقس
ومتطوعيين كل مهمتهم انهم يجيبوا اشولة اللبس اللى بينقص من المخزن لغاية البرتيشن المحتاج للبس
غير المتطوعيين اللى بيقوموا بتنظيم اليوم نفسه من اوله لاخره
كل الموظفين والمتطوعيين بتكون مهمتهم فى يوم الكساء هيا راحة وفرحة الناس
ده فيديو عن المتطوعيين بيعملوا ايه للتجهيز ليوم الكساء

نشاط الفرز والمعارض

يعتبر نشاط الفرز والمعارض من اهم الانشطه الموجوده فى رساله
فهو يعتمد على جمع التبرعات الخاصه بالملابس المستعمله واعادة فرزها بمعنى ان ملابس الرجال لوحدها والسيدات لوحدها والاطفتا لوحدها
ثم يتم تعبئتها فى اشوله هو ده نشاط الفرز
اما المعارض بفالمتطوعيين بياخدوا الشوله المفروزه وبيروحوا بيها للاماكن الفقيره يعملوا فيها معارض يبيعوا فيها الملابس بأسعار رمزيه
ومحصلة فلوس المعارض بتكون لجمعية رساله
يعنى النشاط ده منه بنساعد المحتاجيين ومنه بندخل فلوس لرساله

عمل الخير والتكافل الاجتماعى

لماذا حث الاسلام المسلمين على عمل الخير ومساعدة المحتاج؟
الاجابه هى لاجل التكافل الاجتماعى
طب يعنى ايه تكافل اجتماعى؟
يعنى ان الناس كلها تساعد بعض ان المجتمع كله يكون إيد واحده ان الفقير مايحسش بمعاناه فى الحياه وان الغنى لازم يكون عليه دور فى تنمية مجتمعه
وهو ده اللى بتعمله جمعية رساله
تستلم التبرعات من المتبرعيين - ترسلها للمحتاجين عن طريق متطوعيين
هيا معادلتنا فى رساله كده
متبرع + متطوع+محتاج = تكافل اجتماعى
التبرع مابيكونش تبرع نقدى او عينى فقط بل بالمجهود والوقت
والمحتاج ايضا ممكن مايكونش محتاج مال او شيىء مادى بل معنوى
وده اللى بنعمله فى رساله
اللهم تقبل منا صالح أعمالنا

نوايانا فى الخير

النوايا

اهم حاجه فى عمل الخير هيا النيه

يقول النبى - صلى الله عليه وسلم - ( إنما الاعمال بالنيات وإنما لكل امرؤ مانوى ) صدق رسول الله صلى الله عليه وسلم

طب ياترى ايه نوايانا

نية الجهاد فى سبيل الله

يقول النبى - صلى الله عليه وسلم - ( الساعى على الارمله والمسكين كالمجاهد فى سبيل الله ) صدق رسول الله - صلى الله عليه وسلم

يعنى من يسعى لقضاء حوائج الارمله والمسكين كالمجاهد فى سبيل الله

نية تفريج الكروب

يقول النبى - صلى الله عليه وسلم - ( من فرج عن مؤمن كربة من كرب الدنيا فرج الله عليه كربة من كرب يوم القيامه ) صدق رسول الله - صلى الله عليه وسلم - ياترى ممكن نكون فرجنا كام كربه عن كام مؤمن ومسلم

نية ادخال السرور على قلب مسلم

سأل احدهم النبى - صلى الله عليه وسلم - اى الاعمال احب الى الله فقال ( ادخال السرور على قلب مسلم )

نيه ارضاء الله عز وجل
فالاعماتل الصالحه ومساعدة الغير من الاعمال التى نتقرب بها الى الله عز وجل ليرضى بها عنا

وهناك الكثير من النوايا
وفى جمعية رساله دائما مايذكر بعضنا البعض بتجديد النيه فالاهم فى العمل الخيرى هو النيه

توصيل المياه

بسم الله الرحمن الرحيم ( وجعلنا من الماء كل شىء حى ) صدق الله العظيم
تخيلوا ان فى ناس عايشه من غير مايكون عندها ميه ولازم تروح لأبعد الاماكن عشان تاخد ميه والله اعلم اذا كانت نقيه ولا لا
ياترى الناس دى بتعانى ازاى والسؤال الاهم ياترى هما عيشين كده ازاى ؟
فى القوافل وبسواعد شباب الخير حلواالمشكله دى
تعالوا نشوف الفيديو ونعرف ازاى

نشاط دروس التقويه

نشاط دروس التقويه

يعتبر نشاط دروس التقويه من اهم الانشطه الموجوده فى رساله

فهو يخدم الطلاب الفقراء الغير قادريين على الحصول على دروس خصوصيه او فى مجموعات بمقابل مادى

عدد الطلاب اكثر من 600 طالب بداية من اولى ابتدائى وحتى الصف الثالث الثانوى

لايهتم النشاط بالدروس فقط بل هناك جانب ترفيهى واخلاقى ومعرفى

هل تعلم 1

هل تعلم أن أول من تنشق عنه الأرض يوم القيامة؟ هوسيدنا محمد صلى الله عليه وسلم

هل تعلم أن أو من يقرب باب الجنة ؟ هو محمد صلى الله عليه وسلم

هل تعلم أن أول شافع وأول مشفع ؟ هو محمد صلى الله عليه وسلم

هل تعلم أن أول أمة تدخل الجنة ؟ هي أمة محمد صلى الله عليه وسلم

هل تعلم أن أول من اختتن ؟ هو إبراهيم عليه السلام

هل تعلم أو أول من جز شاربه ؟ هو إبراهيم عليه السلام

هل تعلم أن أول من شاب ؟ هو إبراهيم عليه السلام

هل تعلم أن أول من ركب الخيل ؟ هو إسماعيل عليه السلام

هل تعلم أن أول من خط بالقلم ؟ هو إدريس عليه السلام

هل تعلم أن أول أمة تحاسب يوم القيامة؟ . هي أمة محمد صلى الله عليه وسلم

هل تعلم أن أول ما بدئ به رسول الله من الوحي ؟ هو الرؤيا الصالحة

هل تعلم أن أول من جاهد في سبيل الله ؟ إدريس عليه السلام

احلى كلام عن احلى شباب

شباب الخير

قالوا عن رساله 3

قالوا عن رساله

اهم المانشتات اللى اتكتبت عن رساله فى الصحف

قالوا عن رساله

بعض ماقيل عن رساله من اهم الشخصيات الاجتماعيه والصحفيه

دليل على ان رساله فعلا هى ... متعة العطاء

قالوا عن رساله 1

قالوا عن رساله

بعض ماقيل عن رساله من اهم الشخصيات الاجتماعيه والصحفيه

دليل على ان رساله فعلا هى ... متعة العطاء

رساله عملت ايه فى رمضان

رساله فى رمضان
أكثر من 100 ألف شنطه إفطار صائم تم توزيعهم بجميع أنحاء الجمهوريه
*أكثر من 102 ألف صائم الف صائم استضافتهم رساله على موائدها المختلفه و قام بخدمتها أكثر من 4 الاف متطوع على مستوى الجمهوريه
حلمنا كان إفطار نصف مليون صائم و قمنا بإفطار ما يقرب من مليون صائم من خلال ما يقرب من مليون صائم من خلال ما يقرب من 32 ألف متطوع
أكثر من 235 ألف وجبه جاهزه تم توزيعهم بالمحافظات
*139 قافله طافت جميع أنحاء الجمهوريه لتوزيع شنط إفطار الصائم
*ما يقرب من 30000 متطوع قاموا بزيارة و إفطار أكثر من 125 دور أيتام و مسنين عداد شنط رمضان ببعض فروع رسالة
كل ده بمشاركة اكثر من 60 ألف متطوع شاركونا العطاء فى جميع أنحاء جمهورية مصر العربيه